TRUE FRIEND (Part :1) 2020

TRUE FRIENDS : (Part =1)

Tera hi ab ho gaya mai

 Mil ke tujh se rubaru,

     Mera mujh me kuchh nahi hai

      Tu hi tu mere charsu..........🍀

Dosti aisa rishta hai jise hum khud banate hai. hum sahi ghalat na dekhte hue, kisi ko apna banate hai.Kai baar dost hamare aas pass ke hote hai, aur kai baar kuch aise dost hote hai jo meelo door reh kar bhi hamare liye had se jyada khaas ho jaate hai.kuch aisi ye bhi kahani hai ek dost ki jise kabhi na mila na kabhi dekha lekin uske liye uske pass rehne wale doston se jyada khaas tha. 

Main Rajveer aaj aise hi ek dost ke baare me batane jaa raha hoon waqt nikal ke aur dil thaam ke is kahani ko Padhna.

Main, Rajveer! hamesha se bahot khamosh tha har kisi se baat karne ki naa aadat, thi aur naa chahat thi. meri ek alag hi duniya thi jisme main khush to rehna chahta tha lekin main khush nahi reh pata tha. mujhe jo chahiye tha wo mere pass nahi tha. khair apni duniya maine video games aur internet me hi bana li aur usi me khush rehne laga. main aur mera game aur mere kuchh kamine dost. 

Main bada ho chuka tha aur main driver ki job karta tha, haa lekin meri umar abhi jyada nahi thi yahi koi 18 saal thi. ek din main apne dost ki Birthday Party me gaya. akelapan sa lag raha tha lekin sab achha tha. waha mere Dost ka bhi Dost SALMAN aaya tha jisse main pehli baar mila tha. Mil ke kaafi achha laga usse bahut khush rehne wala, aur bahut jaldi dost bana leta tha. Main bhi usse mila aur mera bhi mijaz usne 2 minute me badal diya. 

Isi dauran uski ek Frnd ka call aaya wo bahot normaly baat kar raha tha aisa lag raha tha jaise kisi ladke se baat kar raha ho. wo use abe tabe kutta kamina bolta aur wo bhi use aise hi bolti. ye sab dekh ke mujhe bahot accha laga ki ladki aisi bhi hoti hai?Q K main hamesha se ladki se door hi raha hoon. un sab se milke main pehli baar bahut khush hua aur jaana ki ladki ki bhi dosti kabhi kabhi kitni zaroori hoti hai.

Main ghar aa gaya lekin main Salman ke baare me hi sochta raha aur uski dost ke baare me ki kitne khush hai dono. dono ki na girlfriend ki zaroorat hai aur na boyfriend ki. accha tha. main yahi sab sochte sochte so gaya. agli subah hui hamesha ki tarah Gaadi nikali aur office chala gaya.

 college to office ke pass me hi tha lekin meri na girlfriend thi na koi friend tha. sochte sochte maine facebook pe friend search kiya aur kai sare friend bhi ban gaye lekin wo feeling nahi aa rahi thi. ek ladki bhi thi usme wo to bahut ajeeb si thi. turant babut shona karne lagi maine mana kiya aur sab frnd remove kar diya.lekin main to apne frnd ki frnd ke jaisi dhoond raha tha wo Mila hi nahi . Phir mujhe ek ladki dikhi jis group me main add tha (SANA).

Wo kabhi msg wagairah nahi karti thi Maine socha ki isko request bhej hi deta hoon lekin wo kabhi reply nahi deti thi hum sab call bhi group me kare to nahi uthathi thi. Maine bahut dino Tak try ki tab jakar usne mera reply Diya aur bola ki main sirf apne group me baat karti hoon yaha ke group Wale achhe nahi hai. 

Maine usse kaha ki mujhe ek dost ki talash hai Jo mere saath bilkul aise rahe ki mujhe kuchh kehne se pehle sochna hi na pade. Usne kaha wo personal baat nahi karegi lekin group me add kar sakti hai Maine kaha theek hai kar do. Usne agle hi din group me add kar diya. Agle din Monday ko mera paper 📜 tha hum logon ne khoob baatein ki group me sab theek jaise. TABASSUM AUNTY, TAREEF BHAI, SIYA, SANA, RAAM, FAUJI, SANA KHAN, SHAKEEL, SALTALANT, NAIRA, VIKRAM, aur bhi bahut se log the. Naye logo se baat kar ke bahut achha laga aur main bahut khush tha.

Raat ho gayi phir call group me aaya aur hum sab antakshari khel rahe the aur baat karte karte aadhi raat ho gayi. Mere liye sab Naya Naya tha to Khushi ke maare mujhe neend hi nahi aa rahi thi. Phir bhi main so Gaya aur subah exam bhi tha. Office ke pass hi college tha to jyada tention nahi thi office pahuch ke main group me call pe baat kar raha tha lekin wo nahi thi jiska intezaar tha SANA, phir group me wo bhi aa gayi aur main bahut khush hua usse baat kar ke. Uski wo halki si awaz dabhi dabi su, wo bolti to ek ajeeb si sarsarahat mehsoos hoti, uske lehze me bahut khusi aur dard dono Nazar aata tha, Aisa lagta tha koi Raaz hai uski awaz me, koi takleef hai Jo wo kehna chahti hai lekin koi use us kabil nahi mila jise wo keh sakti, ek talash thi uski har haa me. 

Sana ne kaha aaj to Tera exam hai naa, ja tujhe der ho jayegi,Maine kaha thodi der baat kar lene do usne kaha pehle exam de phir hum sab aayenge sham ko tujhse baat karne ko. Aur haa best of luck 🤞🍀.😊

Rajveer bahut khush hua pehli baar kisi ne Best Of Luck Bola Tha. 😊😊😊😊😊

Rajveer apne College pahunch gaya aur Exam paper mil gaya sab theek hai.raat me jo jaag kar padhai ki wahi Questions aaye hai, par ye kya Answer to Sana se baat karne ke chakkar me bhool gaya ab kya hoga? wo baitha hai kya kare- kya kare tabhi uske kaano me ek Awaz aati hai Yaar..."Main Hoo Na tu likh" ab to bhai Rajveer itna tez likh raha hai ki 

Bagal wala ladka bolta hai:lagta hai ki Mahadev ki aatma ghus gai hai........

sab achha hai aur wo exam de kar aa gaya ab use Sana se baat karni hai lekin kaise? uska to number hi nahi hai... Ghar pe Rajveer aa gaya aur Sana se baat bhi hui tab jakar use sukoon mila.. 

Sab theek hai ab raat me fb wale group me Antakshari ho rahi hai. sab mauj masti kar rahe hai ab subah ke 2 baj chuke hai sab bye bol kar so gaye. lekin rajveer ke uski shayari baar baar yaad aa rahi h. Wo shayari Sana ki jo usne group me sabako sunai h...

"Dooriyon ki naa parwah kijiye, jab dil chahe bula lijiye.

Hum jyada door nahi hai aapse bas apni palko ko mila lijiye".... 

Jaise Rajveer ka ye kaam hi ho gaya hai usse baat karne ka. wo bahut khush hai naya frnd paa ke wo bhi ek ladki;

 lekin ek baat se pareshan hai ki aaj use itni khushi q h isse pehle bhi to wo exam de chuka hai aur uske paas uske best Games hai Internet hai sab hai shayad ye khushi use naye dost milne ki hai,,,,,,,

          Kuchh din beet gaye fb pe hi baat ho rahi hai lekin jaha Rajveer ka ghar hai waha to Network hi nahi rehta hai. ab rajveer ne faisla kiya ki kisi tarah Sana ka no. liya jaye uske ek fb frnd se sana ka number bhi mil gaya lekin sana har kisi se phone pe baat nahi karti hai. Lekin Sana ne kaha ki tum chaho to call kar sakte ho mujhe bura nahi lagega. 

Sana bhi kisi se baat karti hansi khushi ke sath, lekin sana ki hansi ke peechhe ek khamoshi, aur ek Darr Rajveer ko so saaf saaf dikhayi de raha tha. lekin wo sana se pooch bhi nahi sakta tha aur Rajveer is baat se pareshan tha. Rajveer ki duniya Game aur internet se hat ke Sana ke sath jud chuki thi..

                Sana ko lag raha tha ki Rajveer ko kahi usse pyar na ho jaye agar aisa hua to uski taqleef Rajveer ko pareshan kar jayegi . lekin use kaha pata tha ki wo pehle se hi uski taqleef ke sath jud chuka h...

                Kisi tarah Rajveer ne sana ko manaya apne bare me bataya aur ye yaqeen dilaya ki wo usse pyar nahi karta hai.

Uski Zindagi me ek ladki hai jiska naam Muskan Hai jisse wo one sided love karta hai poori zindagi bas uske liye hi jee raha hai. Lekin uske aur us ladki ke beech paison ka bahut fark hai. Us tak pahunchna hai aur wo Software Engineer Banna Chahta hai. Jisse ki uski zindagi me wo ladki aa sake lekin wo bahut ghareeb Ghar se hai kaise itna karega. 

usne sana ko ye bhi samjhaya ki Kuchh ladkiyon ki dosti pyar se badh ke hoti hai, aur wo bina dare apne beete hue kal ko mere sath share kar sakti hai.. 

                                                                                  to be Continue...........

Auther : 

Shadab khan