TRUE FRIENDS PART - 3

 TRUE FRIENDS : (Part: 2)

     

Mujh me ab mai kaha hu

Tujh me rahne laga hu,

        Main to ab jee raha hu 

           Bin me........re........

 SANA ko bhi ab lagne laga tha ki shayad ye ladka use samjh sakta hai.

aur wo Rajveer ko apna ek achha dost bana lena chahti thi.....

Dheere dheere baat shuru hui aur ab dono roz nahi lekin aksar baatein karne lage.

Rajveer ko bhi ab usse baat karna bahot achha lagta tha kyun ki jaisa dost wo dhoond raha tha use ab mil chuka tha. Shayari uski hobby thi aur jab koi shayari wo group me sunata to sab wah wah karte, aur group me koi sunata to Rajveer kehta Waah : kya pheka hai..

 Sana ab bina kisi jhijhak ke usse baat karti kabhi kabhi bhi jab use Mann karta wo call kar deti  any Time. lekin Sana ne apne baare me jyada Rajveer ko kuchh nahi bataya,

Ek din Rajveer ko pata chalta hai ki Sana ka ek BF bhi hai.....use to mano jaise jhatka sa laga kyun ki wo to sab batati thi to phir uske baare me kyun nahi bataya? 

Facebook ke group me gaya aur pata kiya ki kaun hai to Sana ne use khud bataya aur apne BF se baat bhi kara di. group ke kuchh ladke Rajveer ko ye kahte ki sana koi achhi ladki nahi hai bahut Ilzam lagate, lekin Rajveer ka dil ye manne ko taiyar hi nahi hota tha ki sana ek kharab ladki hai. 

Jo ki RAJVEER ek student tha use apne passion se bahut pyar tha wo din raat apne sapne ke baare me bhi sochta tha ki kaise wo apne sapne ko poora karega. wo jaha coaching padhta tha waha ke Teacher se bhi pata kiya ki wo course kaha padhaya jata hai lekin teacher ne nahi bataya aur to aur ye kaha ki "Apni awkaat dekho jaha ho wahi khush raho, tum itne Qabil nahi ho sakte " etc.   lekin RAJVEER apne passion ke aage kisi ki bhi baat ko nahi sunta tha.

Wo 4 year se pagal us course ke liye ki, kahi se uski help ho jaye q k jo college wo course padhata uski FEE wo AFFORD nahi kar sakta tha... par use apne God pe poora bharosa tha ki God uski zaroor help karega, kyun ki uske sapne jayaz the aur wo ek din Zaroor qamyab hoga.

Sana se kaafi saari baatein hoti aur roz dono ek doosre ke call ka wait karte the q k wo achhe dost the ban chuke the. Sana ne ek din Rajveer ko ek meeting 🤝 ka link diya jisse shayad uski help ho jati. Uski help bhi hui Kyun Ki Rajveer ko Jo chahiye tha ye wahi tha. dono bahut khush the apni life lekin abhi Grahan lagna baki tha unki khushyon ko. 

Achanak se ek din Rajveer ko ye ehsaas hua ki kahi uski dosti ki wajah se Sana ka rishta uske BF se na toot jaye, aur jab bhi ye ehsaas gehra hota wo uska no. block list me daal deta tha..... jo ki sana is baat se bahut naraz hoti thi ..aisa wo kai baar kar chuka tha lekin 24 HRS se jyada nahi rakh pata tha aur ye baat Sana ko bhi achhe se pata thi. 

Ek din Rajveer ka best Frnd JERRY jo ki RAJVEER ke ghar ke hi pass rehta tha usne Sana ka no. usse manga With His permission ("bataur ijazat") sana ne bhi allow kar diya. ab RAJVEER ke zariye se JERRY bhi uska frnd ban gaya...

Teeno to abhi khush the par ek Ek ghalti Jerry ki sab barbaad kar gayi...........

JERRY ne ek din Rajveer se kaha :-

JERRY: "yaar mujhe lagta hai ki sana tujh se pyar karne lagi hai"

RAJVEER: "nahi yaar, wo meri achhi dost hai bas"

JERRY: Jis tarah uske ek call pe tere chehre pe smile 😌 aati hai naa Aisa dosti me nahi hota.

RAJVEER: Dekh Aisa nahi hai koi hai nahi meri zindagi me, lakin ye wo nahi hai.

JERRY: yaar tu kabhi uske baare me batata hi nahi hai kaun hai kaha ki hai bas One Sided Hai. Kuchh to bata.

RAJVEER: Bas jab wo Mera ho jayega Bata doonga. 

JERRY: Achha sun "agar tujhe pata karna hai ki Sana tujhse pyar karti hai ki nahi to jaisa mai kehta hu kar" 

RAJVEER: " Main taiyar nahi hu kyun ki poori life me yahi ek dost hai jise main khona nahi chahta. lekin tu mera best friend to ek baar try kar sakta hoon"

Jerry ne Rajveer se kaha ki tu usko har jagah se block kar de no contact aur agar use teri fikr hogi to mujh se baat kar ke wo tera haal puchhegi.

RAJVEER: " yaar theek hai lekin tu apna contact chalu rakna kyun ki bahut badi cheez daao pe laga raha hu, meri aaj tak koi frnd nahi bani thi yeh eklauti hai plz aisa na ho ki wo hamesha ke liye chali jaye "

JERRY: "yaar kuchh nahi hoga main hoo na tere sath"

 RAJVEER ka ek aur best friend tha jo ki wo bhi Sana se baat kar leta tha sab dost ban chuke the. Jerry wali baat Rajveer ne apne us dost ko bhi batai aur kaha ki shayad wo tujhe call kar de to plz dhyan dena. 

Ab Jerry ke kehne par Rajveer ne to block kar diya lekin JERRY ne apna bhi contact sana se band kar diya. Sana ne Rajveer ko har mumkin contact kiya lekin fail ho jaati . jab jerry se contact ki koshish ki to waha bhi contact nahi ho saka. Doosre Frnd ko call Kiya to wo Nepal me tha jiski wajah se wo kisi se contact nahi kar paa rahi thi. 

             Ab sana ko lagne laga ki dono ne mil ke uska mazak bana diya hai apne time pass ke liye. udhar Rajveer bhi pareshan tha Sana se baat karne ke liye . RAJVEER ne jaise hi use unblock kiya Sana ka call aaya , esse pehle ki sana ko kuchh bata pata Sana ne usse khari khari suna di. apne kadwe alfaz ke sath uski poori beizzati ki aur use apni zindagi se nikal pheka ...

Rajveer poori tarah se toot chuka tha kyun ki Sana uski koi bhi baat sunne ko taiyar nahi thi. Sana ka kaha hua har lafz RAJVEER ko jaise Teer ki tarah chubhta aur sabse kadwa ye shabd use pareshan kar raha tha ki " Mujhe sharm aati hai ki Tum kabhi mere dost the, I HATE YOU  tumhare jaise insan dosti to kya hamdardi ke layak bhi nahi hai". 

RAJVEER ko samjh nahi aa raha tha ki jo dost usse apni har baat share karta tha apni har khushi me shareek karta tha, jo usse poore haq daawe ke sath baat karta tha wo kaise itna Nafrat karne laga.

Wo din raat bas uske baare me sochta rehta tha. kisi ko ye baat maloom na chale isliye wo sabke samne normal rehta lekin akele me sirf udas ho ke bas uske baare me soochta rehta tha ki kash ek baar to wo baat kar le. Usne kitni badi ghalti kar di wo samajh chuka tha aur apni baat use bhi samjhana chahta tha lekin wo uski baat sunna hi nahi chahti thi. 

             kyun ki ab Sana ke baghair jeena uske liye mushkil nahi namumkin ho raha tha. wo apne dil ki baat kisi se nahi kehta lekin apni MAA se nahi chhupa pata tha. 

uska dil kabhi kabhi kehta ki ek baar to RO le.. lekin wo apne ek School frnd ki baat ko yaad kr ke apne aansuo ko pee jata tha . wo ye ki " Rote wahi h jo kamzor hote h aur, RAJVEER itna kamzor nahi hai" 

RAJVEER ki kashmaksh ye thi ki wo akele me bhi nahi ro sakta tha.. Ghut Ghut ke jeena kise kehte hai ab RAJVEER ko Ehsas hone laga tha.

JERRY use is haal me dekh kar usse kai baar sorry bola, aur jerry ko bhi ye ehsaas ho gaya tha ki usne kitni badi ghalti kar di.

Ab tak Raveer har ehsaas se anjan tha. ab use ye bhi pata lagne laga ki kisi ke mar jane pe ya girlfrnd se Breakup hone pe kitna Dard hota hai, aur Dil ka dard jism ke dard bahut bada hota hai. Ab uski takleef ki wajah se MUSKAN uske dimag se nikal chuki thi kyun ki ye aisi bechaini thi jise usne kabhi MUSKAN ke liye mehsoos nahi kiya. 

RAJVEER apne GOD se ghanto pray kiya karta tha ki use wapas meri life me bhej de. Kyunki Jo Rajveer ne filmo me dekha tha ye wo sab uske sath hone laga tha. Lambi chutti ke baad jab wo apne office pahuncha to wo use har cheez dikhai de Rahi thi. Wo jaha baith ke Sana se baat karta waha use apni purani yaadein dikhai de Rahi thi main yaha usse baat kar raha hoon.

Ghar aane ke baad use apne kamre me wo khud ko dekh Raha tha ki wo Sana se baat kar raha hai. Aur ghar aisa lag raha tha ki use karne ko daud raha hai. Ab wo bed 🛏️ pe lete to use wo bed chubhne laga laga. Ye saare ehsaas uske liye aise the jaise wo pal pal tadap raha ho. 

kuchh din baad god ne uski sun li . wo ek din akela baitha tha ki Sana ka call aaya aur sana ne uski help maangi.

RAJVEER ne bina kisi baat ka shikwa kiye hue uski help ki . uska jo bf tha use Dhokha de chuka tha.facebook group me kuchh ladke use comment kar rahe the aur pata nahi kya uske BF ne sab use gandi gandi galiya dene Lage. Rajveer ne Sana se uski ID maangi aur group me join hua aur uske phone se logout kar Diya iske baad uske BF ko uski ID di ab Rajveer aur uska BF Dono same ID same time pe use kar rahe the. Jab koi group me ulti seedhi pics bheja to uska BF group se exit karta. Had to tab paar Hui jab kuchh ladke apne private part ki pic bhejne lage aur apna contact no bhi send kiya. Jab Maine uske BF se baat ki to Wo Peeche hat gaya lekin Main kaise hat sakta tha. Maine bhi apne doston ko wo sare no diye aur call karne ko bola jab conference pe main gaya to ek ladke ne kuchh jyada bola.

Ladke ne kaha ki wo uske sath kuchh bhi kar sakta hai kaha kaha haath lagaiga kaise haath lagaiga wo uske kapde utarega aur group me ladko ke sath wo sab karega aur bhi bahut kuchh bola.

RAJVEER: Dekh main tujh se bahut door hoon aur tu uske sheher me hi hai main tujh tak pahunch ke use bacha nahi sakta tu Jo chahe kar sakta hai lekin, ek baat yaad rakhna agar tune use chho bhi Diya to tere kandhon pe tera haath Nazar nahi aayega yakeen rakh PATHAAN ki zaban hai 

LADKA: Tu pyar karta hai kya usse? Kyu ki aisa pagalpan pyar karne wale ke ander hi hota hai. Uska BF to use musibat me chhor ke bhaag Gaya lekin tu frnd ho ke lad Raha hai tu kahe to main use hata doon beech se?

Baat wahi bahut Hui aur khatam ho gayi. phir help karne ke baad Rajveer ne Sana ko  alvida keh diya aur use kai dino tak call msg nahi kiya. Sana ko ye ehsaas ho chuka tha ki   RAJVEER ne uska mazak nahi banaya  wo kisi ghalatfehmi ka shikar thi aur wo use SORRY bolna chahti thi...

kai baar kai dino tak sana ne Rajveer ko call kiya sorry bola lekin Rajveer koi jawab nahi deta aur call cut kr deta .  Rajveer ne ye baat apne frnd ko batai to frnd ne kaha ki jane do use maaf kar do. Next time jab sana ka call aaya to sana usse RO kar maafi mang rahi thi . tab Rajveer ne sana se ek hi baat kahi

 "Ja Tujhe Maaf Kiya Dil Ko Todne Wale".......

 RAJVEER ab apne manzil ke bahut qareeb tha kyun ki jab sana gai use akela chhod kar.... usne apna sara FRASTRAITION apne study pe nikala ab wo ek achha developer ban chuka tha Aur manjil ke bahut tha..... 

  to be continue......................................